Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 20 Tachwedd 2018

Amser: 08.30 - 09.03

Preifat

------

Yn bresennol

Categori	Enwau
Aelodau’r Pwyllgor:	Elin Jones AC (Cadeirydd) Julie James AC Darren Millar AC Rhun ap Iorwerth AC Neil Hamilton AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Manon Antoniazzi, Prif Weithredwr a Chlerc y Cynulliad Siân Wilkins, Pennaeth Gwasanaeth y Siambr a Phwyllgorau Gwion Evans, Pennaeth Swyddfa Breifat y Llywydd Elin Roberts, Cynghorwr Polisi i'r Llywydd Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar gofnodion y cyfarfod ar gyfer eu cyhoeddi.

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Dydd Mawrth

· Cynhelir y Cyfnod Pleidleisio ar ôl yr eitem olaf o fusnes.

Dydd Mercher

· Cynhelir y Cyfnod Pleidleisio cyn y Ddadl Fer.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Trafododd y Rheolwyr Busnes faterion amrywiol yn ymwneud â'r trefniadau busnes yn sgil y ffaith y disgwylir Prif Weinidog newydd yn ystod wythnos olaf tymor yr hydref. Bydd y Datganiad a Chyhoeddiad Busnes yn cynnwys amserlen ddiwygiedig ar gyfer Cwestiynau Llafar y Cynulliad (OAQs) yn ystod pythefnos olaf y tymor.

Trafododd y Rheolwyr Busnes ddymuniad Llywodraeth Cymru i sicrhau pleidlais ystyrlon ar y cytundeb Brexit y disgwylir iddo ddod i'r amlwg yn dilyn yr uwchgynhadledd Ewropeaidd y penwythnos hwn, a hynny cyn i'r cytundeb gael ei drafod gan Senedd y DU. Mae'n bosibl y bydd hynny'n golygu cynnal Cyfarfod Llawn ychwanegol drwy alw'r Cynulliad yn ôl ddydd Iau 29 Tachwedd. Bydd yr Ysgrifenyddiaeth yn asesu beth fyddai effaith y cam hwn ar fusnes y pwyllgorau, a chytunodd y Rheolwyr Busnes i drafod y mater gyda'u grwpiau ac i rannu eu sylwadau y tu allan i'r pwyllgor.

</AI5>

<AI6>

3.3 Amserlen Busnes y Cynulliad ar gyfer y tair wythnos nesaf

Cytunodd y Rheolwyr Busnes y dylai'r Ddadl Aelodau nesaf gael ei threfnu ar gyfer 12 Rhagfyr. Fodd bynnag, er mwyn cadw'r opsiwn o ohirio'r ddadl honno yn sgil pwysau busnes arall, cytunodd y Rheolwyr Busnes na ddylid ailagor y broses gyflwyno. Bydd cynnig yn cael ei ddewis o'r rhestr gyfredol, yn unol â'r hyn a drafodwyd gan y Rheolwyr Busnes yng nghyfarfod yr wythnos diwethaf.

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 12 Rhagfyr 2018 - 

· Dadl ar Gynnig Deddfwriaethol gan Aelod (30 munud)

· Dadl Aelodau o dan Reol Sefydlog 11.21(iv) (60 munud)

· Amser a neilltuwyd i Blaid Annibyniaeth y Deyrnas Unedig (60 munud)

</AI6>

<AI7>

4 Deddfwriaeth

</AI7>

<AI8>

4.1 Memorandwm Cydsyniad Deddfwriaethol ar y Bil Gofal Iechyd (Trefniadau Rhyngwladol)

Cytunodd y Rheolwyr Busnes i gyfeirio'r Memorandwm at y Pwyllgor Iechyd, Gofal Cymdeithasol a Chwaraeon a'r Pwyllgor Materion Cyfansoddiadol a Deddfwriaethol i'w ystyried, a chytunodd ar ddyddiad cau ar gyfer cyflwyno adroddiad, sef 22 Ionawr 2019.

</AI8>

<AI9>

4.2 Memorandwm Cydsyniad Deddfwriaethol ar y Bil Pysgodfeydd

Cytunodd y Rheolwyr Busnes i gyfeirio'r Memorandwm at y Pwyllgor Newid Hinsawdd, Amgylchedd a Materion Gwledig, y Pwyllgor Materion Allanol a Deddfwriaeth Ychwanegol a'r Pwyllgor Materion Cyfansoddiadol a Deddfwriaethol i'w ystyried, a chytunodd y dylid dychwelyd yr wythnos nesaf i'r mater o bennu dyddiad cau ar gyfer cyflwyno adroddiad, a hynny er mwyn ymchwilio ymhellach i'r amserlen Seneddol.

</AI9>

<AI10>

Unrhyw fater arall

Cadarnhaodd Plaid Cymru a'r Ceidwadwyr Cymreig eu bod wedi dod i gytundeb ynglŷn â lleoedd ar bwyllgorau. Bydd Plaid Cymru yn enwebu Helen Mary Jones fel aelod o'r Pwyllgor Newid Hinsawdd, Amgylchedd a Materion Gwledig, a bydd y Blaid yn gadael un o'i seddi ar y Pwyllgor Cydraddoldeb, Llywodraeth Leol a Chymunedau er mwyn gwneud lle i aelod ychwanegol o'r Ceidwadwyr Cymreig.

Mae Adam Price wedi ymddiswyddo o Gomisiwn y Cynulliad, a bydd Plaid Cymru yn enwebu Siân Gwenllian yn ei le.

Yn dilyn cais gan Aelod annibynnol, cytunodd y Rheolwyr Busnes i gyhoeddi agenda'r Pwyllgor Busnes ar gyfer ei gyfarfodydd preifat o hyn ymlaen.

</AI10>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>